Langit Sipitu Lampis

Dijadihon marhite-hite hatana sambing, tarida doi antong sian tongo-tonggo ni angka datu, namandok: Daompung Debata natolu, natolu suhu, natolu harajaon sian langit na pitu tindi, sian ombun na pitu lampis,sahata saoloan ho dohot Debata mulamula, Debata Mulajadi, na pande manuturi, namalo mangajari.

Asa ta patangkas ma dia do langit sipitu lampis i

1. Langit Parjolo : Disi ma inganan ni angka namangulahon na sukar.
2. Langit Paduahon : Inganan ni angka panangko ma disi
3. Langit Patoluhon : Nasas jolma siganjang dila hian andorang dingoluna, disima inganan ni beguna ( tondi na ) dung mate.
4. Langit Paopathon : Disima inganan ni jolma pangansi dohot panggunturi andorang dingoluna.
5. Langit Palimahon : Nasa jolma na olo manumpahi na dangol dohot na pogos andorang dingoluna, disima ingananna.
6. Langit Paonomhon : Disuan Mula jadi nabolon ma disi nasa suhat-suhat ni jolma manisia, Ia na denggan suhat-suhatna dibanua ginjang, ba denggan ma jolma nampuna suhat-suhati dibanua tonga.
7.. langit Papituhon : Ima inganan ni Mulajadi nabolon, ai dilangit ni langitan, diginjang ni ginjangan do i, tusima huhut angka nasangap dohot Raja parroha na denggan dibahen Debata.

Asa marhite parbinotoan ni angka halak Bataktaringot tu turpuk ni tondi ni jolma dung mate ibana do umbahen na jotjot manongosakka sisolhot ni na mate tu na matena.

nienet sian : Bukku Pustaha Batak