Partordingni partubuni Raja Ihatmanisia sahat ro di si Raja Batak

Molo suddut-suddut parjolo, ndang binoto be taromboni nadeba, ra ala nung sirang be akka inganan nasida dohot Oppu namaringanan di Sianjur mula-mula.Holan Olat ni Raja Tantandebata anakni si Raja Bonangbonang, tubu ma sada anak na dibahen ma goarna : “Si Raja Batak “

Mambuat goarnu huta parmulaanna manang inganan parjolo di si Bordeakparujar, ima “ Batakna “  ingananna. Asa goar na gabe sangkap do i, ala I do gabe goar ni parsadaon bangso Habatahon, manang pangkal bangso Batak = “Asal”

Alai didok halak na deba, ala hamaloon ni oppui do najolo mamatak hoda lao tu Sianjur, umbaen laos margoar batak anak na dibahen. Manang dia ma I nasintong, ndang bioto, holan on nama haputusonna: sai adong Alana umbahen I goar parsadaan ni Bagso Batak dibehen nasida.

Songonon ma Partordingni  partubuni Raja Ihatmanisia sahat ro di si Raja Batak.

Raja Ihatmanisia tolu ma anak na, ima Raja Miokmiok, Patundalnibegu, Ajilampaslampas. Ia Raja Miokmiok sada ma anak na, ima Eangbanua, Tubu ma anak ni Eangbanua tolu muse, ima Raja Aceh, Raja Bonang-bonang dohot Raja Jau. Raja Bonang-bonang tubu ma anakna sada, ima Raja Tantandebata, ia anak ni Raja Tantandebata pe sada do, Ima Raja Batak.

Ia Raja Aceh, I ma na umpompar halak Aceh mangihuthon pandok ni na deba, anak ni raja Isumbaon margoar Raja Asiasi jala Langkasomalidang na umpompar halak Jau dohot Nias.

Nienet sian : PUSTAHA BATAK tarombo dohot turi-turian ni Bangso Batak 1991

Boi do angka natua-tua, dohot dongan-dongan mangalehon boa-boa atikboha adong na hurang lobi. Asa marbagi dohot dongan na so umboto, jala boi do baenonta artikel di blog on, asa sude dongan na asing manjaha laho manambai parbiotoan taringot tu habatahon. Horas ma dihita saluhut na.